áhugaverðir Íslendingar

mikil vinna

Mon, 01 Jun 2009 17:34:53 GMT

Það er mikil vinna að skrifa bók nú er skólinn að verða búinn og eftir hann þarf ég að einbeita mér af því að klára bókina.

Ég er búinn að vera að fara yfir viðtölin og gera þau þannig að það sé skemmtilegt að lesa þau svo sendi ég þau til Bjarna Harðar sem fer betur yfir þau.

Ég bara vona að það gangi allt vel og bókin komi út eins og við vorum búin að áætla í ágúst eða september, en til þess að það gerist þarf ég að vinna, vinna og vinna svo meira :haha:

Ef einhver er með hugmyndir um það hvað bókin getur heitið þá endilega látið mig vita annað hvort á blogginu mínu eða í tölvupósti hoddistar@gmail.com

Bókin kemur í alvörunni út

Wed, 13 May 2009 15:25:47 GMT

Það er maður sem heitir Bjarni Harðarson sem vill gefa bókina mína út. Hann er rosalega spenntur fyrir þessu og finnst gaman að fá að taka þátt í því að bókin mín komi út.

Það er margt sem þarf að hugsa um þegar maður er að búa til bók. Eins og maður þarf að finna útgefanda og spá í hvað það kostar að prenta bókina. Svo þarf maður að skoða hvaða prentsmiðja á að prenta fyrir mann, hvað bókin á að vera stór, hvað margar blaðsíður og hvernig hún á að líta út. Síðast en ekki síst, hvað á bókin að heita, ég er ekki búinn að ákveða mig en hvað með Höddi og fræga fólkið eða Fræga fólkið og ég eða eitthvað annað, allar uppástungur vel þegnar... 8)

kv. Höddi

Ég er ekki hættur

Wed, 22 Apr 2009 16:30:54 GMT

Síðan ég bloggaði síðast þá er ég búinn að taka þrjú viðtöl...

Fyrst talaði ég við Palla Ólafs sem var landsliðsmaður í handbolta í gamla daga, hann spilaði hundrað áttatíu og eitthvað landsleiki fyrir Ísland og skoraði helling af mörkum, hann hefur greinilega verið mjög góður leikmaður. Hann er núna dreifingarstjóri í kók og hann hefur mikið að gera. Það var gaman að tala við hann og ég lærði heilmikið af honum um, það þarf að æfa sig vel og lengi til þess að verða góður handboltamaður og hann útskýrði fyrir mér hvernig samkeppni er á milli fyrirtækja. 8|

Hljómsveitin Buffið kom til eyja til að spila á balli í höllinni og hitti Pétur söngvara á Caffe Maria þar sem þeir voru að éta. Ég talaði mikið um hann við tónlist og söngleiki, hann hefur tekið þátt í mörgum söngleikjum og meðal annars leikið og sungið Jesús í Jesus Christ superstar en pabbi hans lék líka Jesús í sama söngleik í gamla daga. :haha:

Ég hitti ritarann í Framsóknarflokknum hérna í eyjum, Eygló Harðardóttur, það var verið að opna kosningaskrifstofu þeirra. Ég fékk mér pylsu hjá þeim og talaði við Eygló. Hún talaði mikið um marga hluti sem ég skil ekki eins og formenn yfir öllu mögulegu. Hún þurfti svolítð að útskýra fyrir mér hvað hún var að tala um, af því það eru svolítið fólkin orð fyrir það hvernig og hverjir stjórna í landinu okkar. Nú veit ég hvað löggjafarvald, framkvæmdarvald og dómsvald er þó ég skilji það ekki alveg en bara svona næstum því. Það var pínu erfitt að taka viðtal við hana af því ég skildi svo lítið hvað hún var að tala um en Eygló er vingjarnleg og skilur þetta nógu vel til þess að vera á alþingi og vera í stjórn eða stjórnarandstöðu. :!:

Ég set fljótlega inn myndir af mér og fólkinu sem ég er búin að tala við í viðbót og þeim sem ég var ekki búin að setja myndir af áður

dálítið feiminn

Wed, 08 Apr 2009 10:21:18 GMT

Ég fór í viðtal við Sindra á stöð 2, við hittumst í Eymundsson í Austurstræti. Hann kom þangað ásamt myndatökumanni sem var með huges myndatökuvél.
Fyrst fengu þeir smá viðtal við mömmu og spurðu hana hvernig þetta byrjaði allt saman og svo talaði hann við mig og spurði mig um hvernig þetta gerðist, hvernig ég fékk áhuga á þessu. Hann spurði líka hversu mörg eintök af bókinni ég ætla að selja en ég var svo feiminn að ég átti erfitt með að svara honum :^)
Ég reyndi samt að gera mitt besta þótt ég hafi verið feiminn, ég vona bara að ég komi ekki kjánalega út. Það var samt svolítið gaman að einhver hafi tekið viðtal við mig.

Þegar það var búið að taka viðtal við mig þá tók ég viðtal við Sindra. Ég spurði hann meðal annars út í það hvernig er að vinna á stöð 2 og hann svaraði að það væri mjög gaman og þetta væri líflegur vinnustaður. Honum finnst eiginlega alltaf svolítið stressandi að koma fram í beinni útsendingu í sjónvarpinu, mér fannst það mikill léttir að heyra það því ég var svo stressaður fyrir viðtalið þó það væri ekki í beinni útsendingu.

hárgreiðslumeistarinn

Tue, 07 Apr 2009 22:59:09 GMT

Í dag eftir að stöð 2 hafði samband þá ákvað ég að fara í klippingu svo ég liti vel út í sjónvarpinu, ég fór til Katrínar sem vinnur á Stúdíó Hallgerði því mér finnst hún besti klipparinn sem ég hef farið til.

Hárgreiðslumeistarinn á stofunni er kallaður Gauji og á fullt af verðlaunabikurum sem hann hefur fengið fyrir frábæran árangur í hárgreiðslukeppnum, ég fékk viðtal við hann og var svo spenntur fyrir því að ég mætti klukkutíma áður en ég átti að mæta. Það var allt í lagi því að hann hafði tíma til að tala við mig.
Ég spurði hann út í vinnuna, keppnirnar og fleira og hann er mjög skemmtilegur maður sem hefur mörgu frá að segja.

Hann vildi ekki svara mér hvað væri það vandræðalegasta sem hafði komið fyrir hann og ég verð að segja að það gerði mig svolítið forvitinn.

ég er orðinn frægur

Tue, 07 Apr 2009 13:29:58 GMT

Í morgun hringdi Sindri gaurinn í Íslandi í dag í okkur af því hann var búinn að frétta af því að ég væri að taka viðtöl við fólk fyrir bókina mína. Hann vill endilega hitta mig og taka viðtal við mig, ég sem er að taka viðtöl við fólk er núna sjálfur að fara í viðtal, ég er sjálfur að hugsa um að fá að taka viðtal við hann. Mig langar að vita hvernig er að vera fjölmiðlamaður og hvernig gaur hann er.

Í kvöld ætla ég svo að fara að taka viðtal við hárgreiðslumeistara sem er búinn að keppa í mörgum keppnum og hefur unnið flestar þeirra.

kv. Höddi

tvö viðtöl í dag

Mon, 06 Apr 2009 23:22:00 GMT

í hádeginu í dag átti ég viðtal við Begga og Pacas sem unnu í keppninni í þáttunum Hæðin.
Það er brjálæðislega mikið af málverkum heima hjá þeim sem Pacas hefur málað, þau eru dálítið flott og ég mundi alveg vilja eiga málverk eftir hann.
Þeir tóku vel á móti mér og voru sérstaklega glaðir að ég skyldi biðja þá um að vera með í bókinni minni. :lol:
Við settumst niður í stofunni sem er mjög flott og notarleg. Þeir buðu mér upp á appelsínusafa og pzzu sem þeir höfðu gert sjálfir, mér fannst hún svolítið krydduð en rosalega góð.
Viðtalið heppnaðist frábærlega vel og þeir voru jákvæðir og það er greinilegt að þeir elska lífið og hafa gaman af fólki.
Mér fannst ferlega fyndið þegar ég spurði þá hvað væri það vandræðalegasta sem þeir hefðu lent í og Beggi sagði skemmtilega sögu sem kom fyrir hann í Amsterdam, þar var hann að leita að vaxmyndasafni og þegar hann var að spyrjast til vega þá hló fólkið fyrir aftan hann og þá fattaði hann að hann var kominn á vaxmyndasafnið og var að spyrja eina vaxbrúðuna til vegar :$
Ég var hæst ánægður með viðtalið og hlakka til að sjá það í bókinni minni

Ég fór í annað viðtal seinnipartinn í dag, þá tók ég viðtal við Örn Árnason leikara og skemmtikraft. Ég hitti hann í Skipasundi í íbúð sem hann og aðrir eru að gera upp. Ég fór upp á hæðina þar sem hann var og hann kom og heilsaði mér í iðnaðarmannabuxum, ég held ég hafi verið svolítið að trufla hann við vinnuna en honum var alveg sama.
Við komum okkur fyrir í einu herbergi sem var í rúst, ég sem hélt að mitt herbergi liti illa út... en hann er nú að gera herbergið upp og hefur afsökun en ég hef ekki þannig afsökun fyrir mínu herbergi.:$
Viðtalið heppnaðist mjög vel og ég fékk skemmtileg svör og sum voru bara fyndin, eins og þegar ég spurði hann hvort hann hefði einhver ráð að lokum fyrir lesendur eða hvort hann vildi segja eitthvað annað þá svaraði hann #bara að fólk ætti að lesa bókina til enda# þetta er gott ráð og ég vona að fólk fari eftir því

Ég tók myndir af mér og Begga og Pacasi og mér og Erni Árnasyni (hann setti á mig kanínueyru á einni myndinni) og ég set þær fljótlega inn á síðuna mína.

kv. Höddi

Ég er að skrifa bók!!!

Sat, 04 Apr 2009 21:23:30 GMT

Ég heiti Hörður og er 12 ára Vestmannaeyjingur...

Ég ákvað í vetur að búa til bók með viðtölum við áhugaverða Íslendinga, ég tek viðtölin sjálfur og spyr fólk um alls kyns hluti sem mér dettur í hug.

Þetta byrjaði allt með því að ég tók viðtal við Klöru Tryggvadóttur býr í Vestmannaeyjum, ég átti að taka viðtal við einhvern sem upplifði eldgosið í Vestmannaeyjum fyrir skólann minn. Ég var svo heppinn að fá viðtal við Klöru en hún er svolítið merkileg því að hana dreymdi gosið áður en það byrjaði. Klara er búin að tala við fullt af alvöru frétta og blaðamönnum um gosið og hún sagði mér eftir viðtalið að ég væri með betri spurningar en margir af þeim. Ég fékk 10 í einkunn fyrir viðtalið og þetta er fyrsta tían sem ég fékk á allri skólagöngunni minni.

Ég er þegar búinn að taka viðtöl við Pál Óskar, ég spurði hann út í tónlistina, fjölskylduna, áhugamálin og margt fleira. Hann ofboðslega vinarlegur og jákvæður gagnvart mér, þetta var fyrsta stóra viðtalið mitt og það heppnaðist perfect, það kom meira að segja í jólablaði Frétta í Vestmannaeyjum.

Næsta viðtalið mitt var við Gauja bæjó sem er fasteignasali í eyjum en hann er líka fyrrverandi alþingismaður og fyrrverandi bæjarstjóri Vestmannaeyja. Ég talaði við hann því að hann hefur gert svo margt um ævina.

Ég tók svo viðtal við Elliða Vignisson bæjarstjóra Vestmannaeyja, ég var svolítið stressaður þegar ég fór að tala við hann af því að hann er bæjarstjórinn og ég var hræddur um að ég myndi kannski móðga hann á einhvern hátt. Það er örugglega ekki gott að móðga bæjarstjórann sinn. Hann er samt svo ágætur að ég hætti fljótlega að vera stressaður og þegar viðtalið var búið þá gaf hann mér bók um Vestmannaeyjar með geðveikt flottum myndum.

Svo talaði ég við Heimi Hallgrímsson sem er tannlæknir í eyjum og fótboltaþjálfari. Það var mjög gaman að tala við hann því hann er svo jákvæður og skemmtilegur maður. Hann hefur mikið að gera og getur sagt frá mörgu.

Ég talaði næst við Magna í Á móti sól, þeir voru að spila á balli í eyjum og ég læddist inn á hljóðprufu hjá þeim og greip gaurinn. Sem betur fer gerði ég það því að annars hefði ég ekki fengið að sjá þá spila af því ég er of ungur til að vera á böllum.

Kokkurinn Einsi kaldi var næstur, hann eldar mat í Höllinni í eyjum og fyrir skólann sem ég er í. Maturinn hjá Einari er frábær og pizzurnar sem hann gerir, mér finnst þær ótrúlega góðar. Einar er hress og mér finnst svo fyndið að hann skuli vera kokkur því hann er svo matvondur sjálfur sagði hann mér.

Ég er líka búinn að taka viðtal við hann Bjögga í Höllinni og á Volcanocaffe, hann er gaur sem er með allt sitt á hreinu og hefur gaman af því að vinna mikið. Hann leggur mikið á sig til þess að Vestmannaeyingar og gestir geti skemmt sér og ég held að það sé gaman að skemmta sér með honum.

Í dag fór ég í heimsókn til Sigríðar Klingenberg spákonu og tók viðtal við hana. Það er svoldið spákonulegt heima hjá henni. Hún er ótrúlega skemmtileg og hefur frá mörgu að segja. Hún er líka rosalega jákvæð og hvetjandi. Mér fannst mjög gaman hvað hún var áhugasöm á því sem ég er að gera, sem mér finnst mjög skrítið af því að hún er ókunnug kona en vill samt að mér gangi vel. Hún reddaði mér viðtali við Begga og Pacas og mér finnst það frábært. Sigríður segir að allir séu svolitlir spámenn í sér, ætli ég geti séð í framtíðina fyrir sjálfan mig, það væri ósköp þæginlegt.

Ég ætla að hitta miklu fleira fólk í framtíðinni og skrifa um það hérna á bloggsíðuna mína,
kveðja Höddi